Ginpabutyag ni House Speaker Martin Romualdez nga wala sang pulitikal nga tinutuyo ang impeachment complaint batok kay Vice President Sara Duterte.
Suno kay Romualdez, ginpahayag sini nga ginatuman lang sang Kamara ang mandato sini sa idalum sang Konstitusyon, kag may nagakaigo nga basehan kag dokumento ang ginpasaka nga reklamo.
Ginpakamalaot man ni Romualdez ang desisyon sang Senado nga i-archive ang complaint bisan wala pa sang final nga desisyon ang Korte Suprema, kag ginbuyagyag nga nagsumiter na sila sang Motion for Reconsideration.
Dugang pa niya, indi ini pagpang-atake kundi kabahin sang pagsiguro nga may accountability ang mga opisyal sang gobyerno.
Ginpat-ud sini nga indi ini away sa Senado kundi pagtindog sa Konstitusyon kag interes sang pumuluyo.
