Aprubado sang Department of Health (DOH) ang ginapatigayon sang syudad sang Iloilo nga house-to-house COVID-19 vaccination.
Sa interview sang Bombo Radyo kay Dr. Bea Camille Natalaray, spokesperson kag Head sang Non-Communicable Disease Section sang DOH Region 6, iya ginpahayag nga mas maayo nga kadtuan na lang sang vaccinators sa kada balay ang mga senior citizens, Bedridden kag Persons with disabilities (PWDs) nga indi na makasarang sa pagpadulong sa COVID-19 sites kag bisan sa gym sang ila lugar para sa barangay-based vaccination.
Apang suno sa iya, nagakadapat nga may yara sang emergency teams nga naka-stand-by para sa mga indibidwal nga maka-eksperyensya sang adverse event following immunization.
Nagakadapat man suno kay Natalaray nga istrikto ang pagpatuman sang minimum public health standard.
