Magluwas nga may vaccination venue nga buksan sa kada distrito sa syudad agud maka-cater sang vaccine recipients halin sa clustered barangays, may house-to-house vaccination man nga patigayunon umpisa sa Lunes, Agusto 30.
Sa interview sang Bombo Radyo kay Calumpang, Molo Punong Barangay Roberto Niño, spokesperson sang Liga ng mga Barangay, iya ginpahayag nga ang pagpamalay-balay ang himuon para sa mga senior citizens kag Persons With Disabilities (PWDs) nga nabudlayan na magbiya sa ila nga balay.
Ini nga senior citizens kag PWDs ang gina-identify na subong sang mga barangay officials.
Sa Lunes, simultaneous ang vaccination sa syudad. Yari ang mauna nga barangay sa kada distrito:
*San Isidro kag Balabago sa Jaro;
* Baldoza sa Lapaz;
* Santo Rosario kag Rizal Estanzuela sa Iloilo City Proper;
* Bakhaw sa Mandurriao;
* Boulevard sa Molo;
* Bo. Obrero sa Lapuz; kag
* Calaparan sa Arevalo
