ILOILO CITY – Ginmanduan ni Liga ng mga Barangay President Irene Ong ang barangay health workers nga mag house to house visitation agud nga masiguro nga wala sang kaso sang Novel Coronavirus sa syudad sang Iloilo.
Sa interview sang Bombo Radyo kay Ong, iya ginpahayag nga nagahimo man sang tikang ang barangay council agud nga indi maglapta ang nasambit nga virus.
Suno kay Ong, katungdanan sang barangay health workers nga hibaluon ang kondisyon sang kada myembro sang pamilya nga sakop sang ila barangay.
Nahibaluan nga nakigsapol man ang Liga ng mga Barangay kaupod si Iloilo City Mayor Jerry Treñas, Department of Health kag Iloilo City Health Office may kaangtanan sa Novel Coronavirus.
