Mahimo na nga malakip sa mga benepisyaryo sang Social Amelioration Program sang Department of Social Welfare and Development ang mga myembro nga pamilyado sang isa ka Pantawid Pamilyang Pilipino Program(4Ps) beneficiary.
Sa interview sang Bombo Radyo kay May Castillo, tagpamaba sang Department of Social Welfare and Development, iya ginpahayag nga ginpahanugutan na ang mga yara sa household roster sang 4Ps beneficary apang may lima ka mga kondisyon agud ma qualify ang isa ka myembro.
Una, ang grantee ang indi nagakadapat nga active 4Ps household beneficiary. Ikaduha, siya ang separado nga naga-istar sa balay ukon sa iban nga balay nga indi man 4Ps beneficiary. Ika-tatlo, siya ang wala na nagabenepisyo sa grant nga ginabaton sang isa ka 4Ps beneficiary kun sa diin siya nakalista. Ika-apat, siya ang separado nga naga-istar sa ila nga balay nga indi magnubo sa duha ka bulan. Kag ika-lima, siya ang naka tag nga “moved out” na nga myembro sa Pantawid Pamilya Information System.
Agud nga ang isa ka myembro ang ma tag bilang “moved out” sa 4Ps database, ang myembro nga naka separar na sa ila nga household ang kinahanglan nga i-validate kag i-certify sang Punong Barangay kun diin siya una nga naga istar base sa Beneficiary Data Management System Field Manual.
Suno kay Castillo, ang 4Ps grantee ang kinahanglan nga magsulat nga nagadeklara nga ang myembro ang wala na naga istar sa ila nga balay agud makahatag sang sertipikasyon ang Punong Barangay.
Ang form para sa Barangay Certification kag Household Grantee’s Letter of Declaration ang mahimo makuha sa City ukon Municipal links.
Ang mga nasambit nga dokumento ang nagakadapat nga ipasa sa Pantawid Pamilya City/Municipal Office agud maasikaso ang tagging sang mga moved out sa system sang ahensya.
