Iloilo City – Aprubado na sa first reading ang ordinansa nga magapahanugot sa Iloilo CIty Government nga maghulam sang P200 million sa pagbakal sang duta sa para housing program.
Sa interview sang Bombo Radyo kay Iloilo City Mayor Jerry Treñas, iya ginpahayag nga ang amo nga duta ang patindugan sang low rise to medium rise buildings para sa mga informal settlers kag mga nasunugan sa syudad.
Suno kay Treñas, nakakita na ini sang duta nga baklon nga amo ang nakahamtang sa Tacas, Jaro; Javellana, Jaro; San, Isidro, Jaro, kag Baluarte, Molo, Iloilo City.
Ang amo nga proyekto ang mahimo makabulig sa ginatos ka mga pamilya sa syudad agud makaangkon sang disente nga puluy-an.
