Gin-ako sang Houston Rockets nga daw kaangay nga nadulaan sila sang pangalibutan rason nga napierde na naman ini batuk sa Los Angeles Lakers sa Game 4 sang Western Conference semifinal series.
Suno kay Rockets coach Mike D’Antoni, nakulangan sang kapagsik kag kabakod ang team rason nga wala ini makabawi sa Los Angeles.
Nagpakita ang Houston sang kahinaan sa paghampang sa diin napaslawan ang mga ini nga maka-score sang second chance ukon fast-break point sa una nga tatlo ka quarter sang hampang.
Kun si Houston star James Harden naman ang pamangkuton, iya ginpahayag nga wala naman sila sang may mahimo pa kundi tinguhaan nga makabawi sa Game 5.
Sa subong, nagakabit na lang ang Houston sa posible nga pagkadagdag sini sa serye bangud kapyot na sang Lakers ang 3-1 lead.
