Gin-anunsyo sang Houthi movement sa Yemen nga gin-target sini ang barko nga Contship Ono sa Red Sea amo man ang duha ka U.S. destroyers sa kaiping nga Gulf of Aden.
Suno sa Houthis, ila gin-atake ang U.S. destroyer nga Cole gamit ang ila drones kag ang U.S. destroyer nga Laboon gamit naman ang ballistic missiles.
Naggamit naman ang grupo sang pareho nga ballistic missiles kag drones sang sila ang nagtuyo nga iguon ang Liberia-flagged container ship nga Contship Ono.
Nahibaluan nga asud-asud nga drone kag missile strikes ang ginahimo sang Houhti militants sa mga barko sa Red Sea, sa Bab al-Mandab strait, kag Gulf of Aden halin pa sang Nobyembre bilang pagpakita sang ila suporta sa Palestinians nga naipit sa Gaza war.
Magluwas nga may nagkalamatay, mas malawig kag mas mahal na subong ang byahe sang mga barko sa southern Africa bangud lain na ang ila gina-agyan kag mas nagataas man ang kahangawa nga maglapta pa ang Israel-Hamas war kag magarumpag sa Middle East.
