Nasapwan nga patay sa sulod sang ila balay ang isa ka 18-anyos nga babaye nga high school student matapos naglapta ang mga laragway niya nga ginapasuni nga may ginakawat ini nga ice cream sa isa ka baligyaan.
Ang napatay nga teenager amo si “Lee Yang”.
Ginpahayag nga nagsuprir ini sang extreme stress kag anxiety bangud sa madasig nga paglapta sang footage sa CCTV nga nagakawat ini sang cream sa isa ka baligyaan sa eskwelahan sini sa Hongseong, Chungcheongnam-do, South Korea.
Suno sa impormasyon, sang gab-i antes nag-utas sang iya kabuhi ang estudyante, nagpadala pa ini sang mensahe sa iya mga abyan nga indi ini mapahamtang.
Ginsiling man sang utod sini nga plano na nila kuntani nga istoryahon ang tag-iya sang baligyaan sang ice cream para hitsuhon ang sitwasyon.
Bangud sini, nagpasaka sang kaso ang pamilya ni Lee batok sa nasambit nga tindahan bangud sa paglapas sa layi nga Personal Information Protection Act and the Act on Promotion of Information and Communications Network Utilization.
Padayon pa nga ginaimbestigaran ang insidente.
