Ginbawian sang kabuhi ang 33-anyos nga lalaki matapos mag-dive sa manabaw nga porsyon sang dagat kag nag-igo ang ulo sa mga bato sa beach sang Barangay Mataas na Bayan, Lemery, Batangas.
Ang biktima amo si Joan Orticio Gumba, residente sang Cavite City.
Suno sa Lemery PNP, base sa pahayag sang kaupdanan sang biktima, nag-inom sila sa kilid sang dagat sang hinali lang nag-dive si Gumba.
Bangud sa kahulugbon, wala sini natalupangdan nga manabaw ang tubig kag nag-igo ang iya agtang sa kabatohan nga nagresulta sang iya pagkalipong.
Gindala pa ini sa ospital apang napatay man makaligad ang pila ka oras.
