Patay ang isa ka hubog nga lalaki matapos ginsumbag sang iya kaupod sa trabaho sa Kananga, Leyte.
Base sa imbestigasyon, halin ang biktima sa isa ka Christmas party kag sang pauli na, ginhapitan sini ang iya abyan sa gymnasium.
Nakit-an niya ini nga nagakatulog kag sang ginpukaw niya, may ginapangwakal ini gani iya ginsumbag ang abyan.
Bangud sini, nagbalos man ang abyan kag ginsumbag ang hubog nga biktima kag natumba ini kag nadulaan sang pangalibutan.
Gindala ini gilayon sa ospital apang ginbawian gid sang kabuhi.
Wala naman sang nakit-an nga motibo sa insidente bangud nagbalos lang ang suspek sa ginhimo nga pagsumbag sa iya sang biktima.
