Arestado ang isa ka pulis matapos nagpamahog kag nagpalupok pa sang pusil sa sulod sang isa ka tindahan sa Aplsville III, Brgy. Ibabang Dupay, Lucena City.
Base sa report, hubog ang suspek sang nagpadulong sa tiangge para magbakal sang iceo.
Sang nag-abot ang isa sa mga biktima para magbakal sang sigarilyo, hinali lang nagpagwa sang pusil ang pulis kag gintaya sa amo nga tawo.
Bangud sa kahadlok, nagdalagan ini palayo.
Makaligad ang pila pa ka minutos, nag-abot pa ang pila ka mga biktima apang ginpapungko sila kag gintayaan man sang pusil.
Padayon nga nagamaoy ang suspek sa gwa sang tindahan kag sulit-sulit nga nagpamahog nga patyon niya ang mg tawo.
Sa bulig sang iya man utod nga pulis, matawhay nga nagsungka ang suspek kag nakumpiska halin sa iya ang service firearm nga may unod pa nga mga bala.
Atubangon niya ang mga kaso nga Grave Threats, Unjust Vexation, Physical Injury kag Illegal Discharge of Firearms.
Pasakaan man siya sang kaso nga administratibo para makakas sa hanay sang kapulisan.
Hugot naman nga ginkondena ni PNP Chief PGen. Nicolas Torre III ang insidente kag ginpahayag nga wala sang lugar ang abusado nga pulis sa PNP sang Bagong Pilipinas.
