Ginpunto sang hubon sang manugbulong sa ginpatigayun nga Trillion Peso March Rally subong nga adlaw sa bahin sang Iloilo Capitol ground ang mga korapsyon nga nagakatabo sa nagkalain-lain nga distrito sang Iloilo.
Sa interview sang Bombo Radyo kay Dr. Cynthia Cabangal-Ng, Former Hospital Management Head sang Iloilo, iya ginplastar ang pila ka mga proyekto sang Department of Public Works and Highways sa Iloilo City, amo man sa probinsya sang Iloilo nga ginpangbuhinan ang pondo.
Ginpakigbahin man sini ang pila ka mga data sang Department of Public Works and Highways (DPWH) ilabi na sa first district sang Iloilo nga may pinakadako nga ghost projects.
Luyag karun sang grupo nga mapanabat ang tanan nga naulamid sa korapsyon sa pungsod.
