ILOILO CITY – Sa labing una nga tion, nagpagwa na sang statement ang hugot hit maker nga si Moira dela Torre pagkatapos nga naglapta sa social media nga may natabo nga emotional cheating sa relasyon niya sang iya anay bana nga si Jason Hernandez.
Matandaan nga sang Mayo 31, ginkakibot sang Philippine entertainment fans ang pag-anunsiyo ni Jason nga bulagay na sila ni Moira.
Gilayon nga nagguluwa ang mga espekulasyon nga si Moira ang nag-cheat man sa kay Jason.
Suno kay Moira, wala niya gintunto si Jason kag nagapangayo ini sang pagrespeto sa ginapangatubang nga kontrobersiya.
Sa Facebook post ni Moira, ginklaro niya nga apisar nga indi man perpekto ang ila pag-updanay apang gintuman niya ang iya sinumpaan.
Apisar nga nagbulaganay na sila ni Jason, nasakitan man ini sa gihapon nga makita ang mga ginhimu-himo nga mga istorya nahanungod sa ila kun sa diin, ang kalabanan diri ang tuman ka layo sa kamatuoran.
