ILOILO CITY – Ginmando na ni Iloilo Provincial Police Office (IPPO) director S/Supt. Marlon Tayaba ang hugot nga kampanya batok sa illegal firearms.
Kasunod ini sang natumod nga pito ka mga criminal groups nga naga-operate sa probinsiya.
Sa interview sang Bombo Radyo, ginpahayag ni Tayaba nga ang nasambit nga mga grupo ang nakabase sa banwa sang Lemery, San Rafael, Sara, Estancia, Pototan, San Enrique kag Calinog.
Suno kay Tayaba, iya na ginmaduan ang hepe sang kapulisan sa amu nga mga banwa nga hugton ang kampanya sa illegal firearms nga gina-gamit sang mga criminal groups.
Ginpausisa man sang IPPO director kun may pending nga arrrest warrant ang nasambit nga mga grupo.