Ginalantaw sang isa ka public interest lawyer nga “calculated move” ang ginhimo sang mag-utod nga sanday Senator Mark Villar kag Senator Camille Villar kaangot sa botohay sa voting threshold sa impeachment trial ni Vice President Sara Duterte.
Si Mark Villar ang nagaisahanon nga senador halin sa minority bloc nga nag-upod kag nagboto pabor sa pag-amyendar sa nauna nga ruling nga nagakinahanglan sang 16 ka boto para sa conviction, samtang wala naman nagpartisipar sa amo nga botohay si Camille.
Sa interview sang Bombo Radyo kay Atty. Jobert Pahilga, iya ginpahayag nga isa ka mahalong kag kalkulado nga political move ang ginhimo sang mag-utod ilabi na nga nagapangatubang ang mga ini sang graft complaints.
