Ginsulod sang kawatan ang duha ka hulot-klasehan sa Sofia Gustilo Elementary School sa Brgy. Nabitasan, Leganes, Iloilo.
Sa interview sang Bombo Radyo kay Police Senior Master Sergeant Emmanuel Maude, Imbestigador sang Leganes Municipal Police Station, iya ginpahayag nga gin-report sang isa ka maestra nga may nadula nga duha ka 32 inches TV.
Suno pa kay Maude, natuon sa likod nga porsyon sang hulot-klasehan nga ginkawatan.
Dugang pa sang natungdan, nag-agi ang mga kawatan sa pwertahan kun sa diin guba ang door knob sang isa ka classroom.
Ginsiling man ni Maude, wala sang gwardya ang nasambit nga eskwelahan kag wala man sang CCTV camera.
Sa subong, may yara na sang lead ang mga kapulisan kag posible tatlo ka mga tawo ang nagsulod sa amo nga eskwelahan.
Ginpanugyan man sini sa mga pamunuan sang eskwelahan nga magkuha sang gwardya ilabi na kun gab-i agud nga indi na maliwat ang insidente.
