Gin-athag ni Atty. Jobert Pahilga nga isa ka Human Rights Lawyer ang rason sang appeals chamber sa indi paghatag sang interim release kay Former President Rodrigo Duterte.
Sa interview sang Bombo Radyo kay Atty. Pahilga, ginklaro sini nga may tatlo ka rason kun nga-a wala ginhatagan sang temporaryo nga kahilwayan si Duterte.
Ini amo ang:
- Dapat mapamatud-an sang kampo ni Duterte nga indi sya flight risk ukon indi ini maglagyo.
- Dapat mapakita nga wala sya sang kapasidad nga maghatag sang intimidation sa mga witness kontra sa iya.
- Kag kun mahatagan ini sang interim release, indi sya mag-ubra sang iban nga krimen kaangay sang pag-manipular sang mga ebidensya kontra sa iya.
Base sa ginhiwat nga hearing, isa man sa rason amo ang posibilidad nga pagpangindulaan ni Duterte kag indi na pagtambong sa mga masunod nga hearing.
Si Duterte isa man sa gihapon sa may mataas nga posisyon kag ginatangla sang kadam-an bangud nagdaug ini nga alkade sang Davao, ara sa posisyon ang iya mga kabataan kag madamo pa sa subong ang nagasuporta sa iya.
Mataas man ang risgo nga maghatag ini sang intimidation sa mga witness kontra sa iya bangud sa history sini nga ginawaragwag ang iya gin-obra
sang mga nagligad kaangay sang Extra Judicial Killings.
Isa man sa rason nga gahingyo ang kampo ni Duterte sang interim release, amo ang supposed third state nga handa mag-amuma kay anay Presidente Duterte.
Suno kay Atty. Pahilga, posible man sa gihapon nga mahatagan sang interim release ang anay presidente kun maguwa na ang resulta sang psychological or health related test kag kun nagakinahanglan ini sang dugang nga atensyon.
