Agud masiguro nga healthy ang hangin nga ginahaklo sang imo pamilya — mas kinahanglan mo bala sang humidifier ukon air purifier sa imo balay?
May nagkalain-lain nga health benefits kag gamit ang humidifier kag air purifier.
Suno sa United States Environmental Protection Agency, ang humidifier ang nagadugang sang moisture sa hangin nga nagalikaw sa dryness nga mangin tuga sang irritation sa nagkalain-lain nga parte sang lawas.
Ang humidifiers ang epektibo man sa pagbulong sang dryness sang imo nga panit, ilong, tutunlan kag bibig.
Samtang ang air purifier naman ang makapadula sang harmful chemical halin sa indoor environment, nagapanubo sang tyansa sang Airborne Diseases, nagapanami pa sang imo tulog kag nagapalawig sang imo kabuhi.
Indi lang sa saguwa sang imo balay may polusyon kundi mangin sa sulod man sang imo nga balay.
Kag bangud sa indoor pollution, ini ang makaapekto sang imo cardiac, respiratory kag mangin neurological systems.
Apang indi lang basta-basta magbutang sang humidifier kag air purifier sa sulod sang imo balay kundi updi man ini sang pagpaninlo.
