ILOILO CITY – Nagapatubang sang kaso may kaangtanan sa illegal nga droga ang ginluthang patay nga Hungarian National nga si Melczer Daniel, 37 anyos sang Avida Village, Brgy. Balabag, Pavia, Iloilo kag tag iya sang restaurant sa Syudad sang Iloilo.
Santo sa pagpanalawsaw sang Bombo Radyo Iloilo, natukiban nga nagpalagyo si Daniel sa Budapest, nga amo ang capital sang Hungary sang tuig 2013.Ini ang ginakabig naman nga isa sa mga most wanted Hungarian criminals sa pungsod Hungary.
Ang biktima ang naga trabaho sadto sa isa ka petrol station sa Buda sa Hungary apang sa ulihi nagsulod sa negosyo sa illegal nga druga. Sunu sa Érdi Rendőrkapitányság Police Station, si Daniel ang nagpalagyo antes pa man gindagdag ang warrant of arrest sini sang tuig 2013.
Matandaan nga ginluthang si Daniel sang iya man lang kasilingan nga si Lucindo Lim, isa ka seaman matapos ginsita kag ginsipa sang biktima ang suspek bangud sa iya pagpalupok sa atubang sang ila balay. Sang nag impito ang seaman, nagkuha ini sang .45 caliber pistol kag 9mm pistol nga amo ang gingamit sini sa pagluthang sa biktima nga nag angkon sang pilas sa agtang, dulunggan, nawala nga kamot kag tuhod.
Sunu naman sa fiancé ni Daniel nga si Réka Melczer-Schüle, ipa cremate sini ang bangkay ni Daniel. Natalana naman nga magpadulong sa Pilipinas ang pamilya ni Daniel.
Ang biktima ang naga trabaho sadto sa isa ka petrol station sa Buda sa Hungary apang sa ulihi nagsulod sa negosyo sa illegal nga druga. Sunu sa Érdi Rendőrkapitányság Police Station, si Daniel ang nagpalagyo antes pa man gindagdag ang warrant of arrest sini sang tuig 2013.
Matandaan nga ginluthang si Daniel sang iya man lang kasilingan nga si Lucindo Lim, isa ka seaman matapos ginsita kag ginsipa sang biktima ang suspek bangud sa iya pagpalupok sa atubang sang ila balay. Sang nag impito ang seaman, nagkuha ini sang .45 caliber pistol kag 9mm pistol nga amo ang gingamit sini sa pagluthang sa biktima nga nag angkon sang pilas sa agtang, dulunggan, nawala nga kamot kag tuhod.
Sunu naman sa fiancé ni Daniel nga si Réka Melczer-Schüle, ipa cremate sini ang bangkay ni Daniel. Natalana naman nga magpadulong sa Pilipinas ang pamilya ni Daniel.
