ILOILO CITYY – Ginpagwa na sang Regional Crime Laboratory 6 ang Autopsy Report sang duha ka mga biktima sang ginapahayag summary execution sa syudad kag probinsya sang Iloilo.
Sa exclusive interview sang Bombo Radyo kay Dr. Owen Lebaquin, ginpahayag sini nga lunsay ulo ang igo ni Dante Laloma sang Tabuc Suba Jaro, nga nasapwan patay sa Tinurian Barotac Nuevo, Iloilo sang nagligad semana.
nagapati si Lebaquin nga dikitan ukon malapit ang igo sang ginapahayag .45 caliber pistol sa ulo ni Laloma sa diin may nakuha pa nga slug sa wala nga guya sini.
Samtang lima naman ka igo sang ginapatihan .9mm pistol ang nag-utas sang kabuhi sang isa pa gid ka biktima sang ginapahayag nga summary execution nga si Ramil Cagbay nga nakit-an sa Brgy. Banuyao Lapaz Iloilo City sang damlag gid lamang.
Tatlo ka mga igo sa ulo kag duha naman sa dughan ang naangkon sini.
Posible suno kay Lebaquin nga may distansya ang pagluthang diri tungod wala sang nakit-an nga gunpowder nitrate ukon pulbura malapit sa bangkay sang biktima.
Samtang lunsay naman nakitaan sang agi sang duck tape ang mga mga lawas sang biktima nga amo ang gingamit sa paggapos sang mga ini.