Balik sa presuhan ang isa ka high-value individual (HVI) nga babayi matapos nakuhaan sang 70-gramos nga shabu balor P476,000 sa Barangay Rizal Pala-Pala II, City Proper.
Ang nadakpan amo si Henwen Roque alyas Quinnie, 30, residente sang amo nga lugar nga una na nga nadakpan sang Disyembre 2022 bangud sang kaangtanan sini sa iligal nga droga.
Sa interview sang Bombo Radyo kay Police Captain Roque Gimeno III, hepe sang Iloilo City Police Station (ICPS) 1, iya ginpahayag nga sang una nadakpan ang amo nga babayi, inadlaw lang ang tinir sini sa presuhan bangud nakaguwa gilayon paagi sa plea bargaining agreement.
Sa impormasyon sang kapulisan, ang ginahalinan sang suplay sini sang droga amo ang tumandok man sang Rizal Pala-Pala II nga si alias Shabu nga subong preso sa New Bilibid Prison.
Ginapahayag nga gina-agi ang transaksyon kay alias JR ng residente naman sang Barangay Desamparados, Jaro, Iloilo City.
Detained na ang subject sa custodial facility sang ICPS 1 kag natalana pasakaan sang kaso nga paglapas sa Republic Act 9165 ukon sa Comprehensive Dangerous Drugs Act of 2002.#
