ILOILO CITY– Patay ang isa ka drug personality matapos nagbato sa buybust operation nga ginpatigayon sa Brgy. Ungka 2, Pavia, Iloilo.
Ang subject sang buybust operation amo si Richard Montifrio Gregori, 40 anyos, pamilyado, sang nasambit nga lugar kag ginakabig downline sang drug lord nga si Richard Prevendidio.
Sa exclusive interview sang Bombo Radyo kay Police Chief Inspector Jonathan Pinuela sang Iloilo Police Provincial Office (IPPO), iya
ginpahayag nga balor 25,000 pesos nga balor sang illegal drugs ang nabakal gikan kay Gregori.
Sang natukiban ni Gregori nga nagapadulong, gilayon siya nga nagsulod sa iya balay kag nagkuha sang armas-luthang agud tiruhon ang mga pulis.
Bangud sini, napilitan ang mga pulis suno kay Pinuela nga luthangon sa abaga kag kilid si Gregori.
Santo sa ila nga pagpangusisa, madamu sang parokyano si Gregori suno kay Pinuela.// Si Gregory ang ginakabig nga High Value
Target sang IPPO.
Lakip sa nakita sa crime scene amo ang .45 caliber pistol, basiyo sang bala, isa ka plastic sachet sang suspetced shabu, isa ka magazine
nga may apat ka bala kag isa ka granada.