Indi apektado ang pinuno sang Philippine Amusement and Gaming Corporation (PAGCOR) apisar sang nagaulan nga pagpakamalaot sang publiko sa P3-million nga kontrobersyal nga bag-o nga logo sang korporasyon.
Suno kay PAGCOR President Alejandro Tengco, maayo ang ila nga desisyon kag panindugan nila ini.
“I will be honest with you. I am not affected at all. We made a good decision and yung decision na iyon ay paninidigan namin,” pahayag sang PAGCOR president.
Matandaan nga na-sapubliko nga P3 million ang gingasto para sa rebranding campaign sang ahensya, apang suno kay Tengco, dala na diri ang paghimo sang new logo kag paghimo sang iban pa nga materials. Indi man husto pahayag niya nga ginbubo ang P3-million sa logo bangud may iban pa man nga kinahanglan asikasuhon ang designer.
“Hindi lamang P3 million yung logo lang. There are so many other deliverables granted from the designer tulad (ng) like manuals. Mali yung pag-iisip na yung 3 milyon para sa logo lang. (Pero) merong mga aral na ginawa at maraming gamit din ang kailangan pang asikasuhin yung designer,” suno kay Tengco.
Hulyo 11 sang ginpaguwa sang PAGCOR ang ila bag-o nga logo nga kadungan sang 40th anniversary celebration sang ahensya.
Ang logo ang may yara sang shades sang blue kag pula. Madasig ang mga kritiko sa pagmuno nga daw kaangay sini sang logo sang isa bantog nga brand sang instant noodles kag sang isa ka oil company. #
