Espesyal ang pagpasalamat ni newly-crowned Miss Universe R’bonney Gabriel sa tanan nga Filipino fans nga nagbulig sa iya kag nagsuporta sa iya nga Miss Universe journey.
Si Gabriel amo ang una nga Filipino-American nga nagdaog bilang Miss USA, kag gintib-ong sini ang amo nga pungsod kag nakuha man ang korona sa global pageant nga ginpatigayon sa New Orleans, Louisiana out of 84 lovely women nga nag-compete para sa amo nga crown.
Sa Miss Universe pageant, ginrampa sang 28-anyos nga beauty queen sa stage ang “Woman on the Moon” para sa National Costume portion nga creation ni Patrick Isorena, isa ka Filipino designer nga amo man anay ang nag-design sang Miss Texas costume ni Gabriel.
Ang iya naman nga evening gown sa finals sang kumpetisyon ang gin-desinyo man sang isa pa ka Filipino designer nga si Rian Fernandez.
Si R’Bonney man ang una nga nagsuksok sang “Force for Good” nga korona nga ginhimo sang Mouawad pinaagi sa partnership sang Miss Universe Organization sa idalom sang bag-o nga tag-iya sini nga si Anne Jakrajutatip. ##
