Iloilo City – Ginkalipay sang Barangay Veterans Village, Iloilo City Proper ang nangin madinalag-on nga paglunsyar sang I-Barangay Project sa lugar.
Ini matapos nga napilian ini bilang pilot barangay sa gintukod nga proyekto ni First Lady Liza Araneta Marcos.
Nahibaluan nga kabahin ang I-Barangay Project sa idalom sang Ulikid Foundation sang First Lady nga isa ka social development program sa mga Filipino.
Sa interview sang Bombo Radyo kay Punong Barangay John Eric David, iya ginpahayag nga tinutuyo sang proyekto ang pasanyugon ang kabuhi sang mga pumuluyo pinaagi sa pagpatukod sang mga solar hybrid system, internet connectivity, kag health programs sa barangay.
Nalakip man sa mga programa sang proyekto ang libre nga access sa edukasyon sa mga elementary students kag mangin sa mga tigulang.
Suno kay David, nakabulig ang nangin diskusyon kaupod ang grupo sang first lady kun sa diin nakit-an sang mga ini ang padulongan sang proyekto.
Samtang, gin-athag man sang grupo sang first lady nga ang pondo nga gingamit drir ang naghalin sa bulsa sang mga private sectors, kag indi sang gobyerno.
