Iloilo City – Ginlunsyar na ang I-Barangay Project ni First Lady Atty. Liza Araneta-Marcos sa Barangay Veterans Village, Iloilo City.
Ini ang kabahin sang Ulikid Foundation sang First Lady nga isa ka social development program sa mga Filipino.
Sa interview sang Bombo Radyo kag Engr. Chito Farmacion, myembro sang I-Barangay Project, iya ginpahayag nga gintakod ang grupo ang solar hybrid system sa barangay bilang solusyon sa ginaproblemahan nga power outage sa lugar.
Ang solar hybrid system ang isa ka renewable energy system nga nagagamit sang solar photovoltaic panels agud maka-generate sang clean energy.
Nalakip man sa mga programa sang proyekto ang pagpatakod sang internet connection sa barangay kag libre nga access sa edukasyon kag ikaayong lawas.
Suno kay Famacion, ang pondo sang I-Barangay Project ang naghalin sa bulsa sang mga private sectors, kag indi sang gobyerno.
Nagalaom man ang natungdan nga indi lang sa Barangay Veterans Village makit-an ang proyekto kundi sa madamo pa nga mga barangay sa Iloilo.
