Nagpalab-ot sang pagpasalamat ang nagbuya nga tiglikom sang Department of Budget and Management (DBM) nga si Amenah Pangandaman kay Pres. Ferdinand Marcos Jr.
Ini matapos ang masobra tatlo ka termino sa amo nga position.
Pagapadayunon ni Pangandaman ang iya pagsuporta sa Presidente sa pribado nga kapasidad.
Suno sa iya, makabig niya nga isa ka dako nga kadalag-an sa iya kabuhi ang mangin pinakauna nga “Muslim Budget Secretary” kag “Filipina Muslim” sa Gabinete.
Ginmensyonar man sang anay tiglikom ang mga reporma sa iya termino lakip ang kinakabig nga “biggest anti-corruption law” sa modern history sang Pilipinas nga New Government Procurement Act.
Matandaan nga ginkumpirma sang Malacañang nga boluntaryo nga nagbuya sanday Pangandaman kag anay ES Lucas Bersamin bilang delicadeza matapos mabuyagyag ang ila pangalan sa imbestigasyon sa flood control projects, sa diin lunsay nila nga ginpanginwala nga kabahin sila sa korapsyon.
