Nagpaathag ang presidente sang Afghanistan nga nangin ‘mabudlay nga desisyon’ para sa iya ang pagbiya sa ila pungsod sa tunga sang pagsulod sang Taliban militants sa kapital nga Kabul kag pag-kontrol sa presidential palace.
Kasuno sang iya pagpalagyo, nagpahayag si former Afghan President Ashraf Ghani nga padayunon niya ang pagserbe sa ila nasyon.
“I will always continue to serve my nation through offering ideas and programs,” pahayag ni Ghani.
“Today, I came across a hard choice; if I should stand to face the armed Taliban who wanted to enter the palace, or leave the dear country that I dedicated my life to protecting and caring for the past twenty years,” dugang pa sang anay presidente.
Suno kay Ghani, mas ginpili niya nga magbiya na lang agud malikawan nga magbaha ang dugo sa ila pungsod.
“The Taliban have made it a point to remove me, they are here to attack all Kabul and the people of Kabul. In order to avoid the flood of bloodshed, I thought it was best to get out.”
May mga nagpahayag nga sa Tajikistan nagpalagyo si Ghani kag ang iban pa nga senior Afghan officials. May mga nagapahayag man nga indi Tajikistan ang iya pinal nga destinasyon. ##
