Ginsabat ni former eight-division world champion Manny Pacquiao ang mga opinyon nga tigulang na siya agud magbalik pa sa hampang sa ring.
Sa press conference sa Las Vegas, Nevada, USA kun sa diin kaupod sini ang iya kasumpong nga si Mario “El Azteca” Barrios, nagpahayag si Pacquiao nga bisan 46-anyos na siya, magabato pa siya.
Bisan nagpahuway siya sa professional boxing suno kay PacMan, nagpabilin man siya nga aktibo paagi sa regular nga ehersisyo kag paghampang sang basketball kag badminton.
Gindugang sini nga indi lang ini iya away, kundi isa ka paagi nga ipakita sa kalibutan nga wala naga-surrender ang mga Pinoy.
“People say I’m too old, that I’ve done it all. But I still have the fire,” suno sa boksidor. “I’m not just fighting for myself — I’m fighting for my country, and to show the world that we Filipinos never give up.”
Ginpasalig sini ang maayo nga sambuwa sa Hulyo 19.
“My body is like, I feel young. I feel like, young. You can see. Like I see, I always bring surprises to the fans in every fight. So, this fight, I’m sure that me and Barrios, we can give a good fight to the fans,” dugang ni Pacquiao.
Si Barrios nga defending champion sa WBC welterweight amo ang una nga makaatubang ni Pacquiao matapos ang iya katapusan nga professional fight sang 2021 antes siya nagpadalagan sa pagka-presidente.
6’0″ ang kataason sang 30-anyos nga American boxer nga may 29-2-1 win-loss record kun sa diin 18 sa iya daog ang nahimo paagi sa knockout. Gina-uyatan naman sang Pinoy fighter ang 62-8-2 record.#
