Hugas kamot si Presidential Spokesman Atty. Harry Roque sa nangin sitwasyon sa isa ka event sa Cebu sa diin naghatag ini sang mensahe kag makit-an nga nagatumpok kag wala naga obserba sang physical distancingang mga tawo sa pihak sang COVID-19 pandemic.
Suno kay Roque, ginkakibot man niya ang madamo nga tawo nga nagkadto sa lugar agud nga magtambong sa pagbukas sang Bantayan Island Airport.
Pahayag niya, gin-organisa sang local government unit ang event kag wala siya sang kontrol sa mga tawo bilang guest lamang.
Ulihe na siya ginhambalan sang mga local officials nga wala man ang mga ini naglaum sa pagdamo sang tawo.
Apang ginpanugyanan na lang niya ang mga yara sa lugar nga magsuksok sang mask.
Depensa ni Roque, nag-obserba man siya sang physical distancing kag gin-remind man ang mga tawo nga sundon ang mga minimum health standards.
Wala man siya suno sa iya nagkamusta kag nagsuksok man ini sang face mask.
