Ginplastar ni Sen. Cynthia Villar nga malipayon ang iya pamilya gani indi siya pabor sa divorce.
Suno pa sa senadora nga asawa sang tycoon nga si Manny Villar, nakibot siya sa tikang sang Kamara nga aprubahan ang hagna nga maga-legalize sang divorce sa Pilipinas.
“Syempre nagulat ako sa kanila (Kamara). Pero ako po, alam naman ng lahat I have a very happy family life, so I’m not in favor of divorce,” pahayag sini.
Kaupod ni Villar nga nagapangindi sa sini nga divorce bill amo sanday Senate President Francis Escudero, Senate President Pro Tempore Jinggoy Estrada, Sen. Joel Villanueva, kag Senate Minority Leader Koko Pimentel.
Si Sen. Juan Miguel Zubiri ang nagpaathag man nga pro-family siya gani opposition man ini sa divorce law.
Ginsiling man sini nga indi siya luyag nga mapareho ang Pilipinas sa nagatabo sa Las Vegas nga gulpihanay lang nga mapakasal kag kun indi na magsahuanay sa masunod nga bulan, bulagay na.
“Conservatibo akong mambabatas. Kung ika nga sa Amerika Republican ako, so pro-family… I frown on any bills that will separate our families. Ayaw po nating maging katulad ng mga Las Vegas weddings na bigla na lang mag asawa tayo ngayon tapos kung ayaw natin hiwalay tayo sa susunod na buwan. Hindi dapat tama yun. I think we should study it to make sure na hindi po tayo magiging katulad ng ibang bansa na very dysfunctional ang family,” pahayag sang anay senate president.
Nagapati man si Zubiri nga mangin boto sang konsensya ang divorce bill pag-abot sa Senado.
Sanday Senators Sonny Angara kag Bong Revilla ang nagpahayag man nga ginatun-an pa nila ang kontrobersyal nga hagna.
Base sa inisyal nga desisyon, pito sa mga senador ang nagapabor sa sini nga hagna.
Ang Senate version sini nga bill ang naaprubahan sa committee on women and family relations sang nagligad nga tuig apang ipasa pa sa plenaryo para sa interpellation.
