Gin-ako sang Pinoy boxer nga si Jerwin Ancajas nga nagnubo gid ang iya nga morale kag nadula ang kumpyansa sa kaugalingon matapos natumba sa kamot sang Japanese fighter nga si Takuma Inoue nga amo gihapon ang naga-uyat sang WBA bantamweight title.
Sabado sang nag-atubangay sa title bout ang duha sa Tokyo, Japan, apang pag-abot sa round nine, natumba ang Pinoy boxer kag wala na naka-recover.
Suno naman sa 32-anyos nga anay world champion, ginatugyan na lang sini sa Ginuo kun ano ang masunod sa iya nga karera.
Pahayag sini, ini ang labing-una sa iya nga career kag mangin sa sparring nga natumba siya bangud sa body shot.
Bangud sa natabo, si Ancajas nga lima ka tuig anay nga ginkilala bilang International Boxing Federation super flyweight champion ang naka-rekord na sang tatlo ka kalutusan sa iya apat ka ulihi nga mga hampang.
Nadagdag man sa 32-4 ang rekord sini nga may 23 ka knockouts; samtang si Takuma — manghod sang top pound-for-pound fighter nga si Naoya — ang nagsaka na sa 19-1 nga rekord nga may lima ka na-knockout sa iya pro career nga nagsugod 11 ka tuig pa lamang ang nagligad. #
