Sa pihak sang sampaw-sampaw nga kontrobersiya nga ginakaulamiran, chill lang ang aktor nga si Rob Gomez kag nagtambong pa sa bunyag sang iya anak nga si Amelia.
Si Baby Amelia amo ang ila anak sang doktor kag anay beauty queen nga si Shaila Rebortera.
Caption pa ni Rob sa iya Instagram post: “I love you 3000. TYG for this day”.
Yara man sa pictures si Shaila nga nagakungkong sa ila anak.
Sang nagligad lamang nga adlaw sang naglupok ang isyu kay Rob bangud nag-leak ang pribado sini nga mga mensahe sa iya co-stars sa “Magandang Dilag” series nga sanday Herlene Budol kag Bianca Manalo.
Pareho naman nga nag-depensa sanday Herlene kag Bianca nga wala sila sang relasyon sa amo nga aktor. Una naman nga nagpaathag si Rob nga may nanghilabot sa iya cellphone kag amo ang nagpaguwa sang screengrabs sang mga mensahe sa duha ka beauty queens-actresses. #
