ILOILO CITY- Nagpabutyag sang dako nga pagkadismaya si Iloilo City Mayor Jerry Treñas kay Department of Health Secretary Francisco Duque III may kaangtanan sa tikang sang ahensya nga pagdeploy sa Cebu sang mga Doctors to the Barrio(DTTO) gikan sa Western Visayas.
Sa interview sang Bombo Radyo kay Mayor Treñas, iya ginpahayag nga humalin sang nagsugod ang pandemya, wala sang nahimo nga husto nga desisyon ang Department of Health.
Suno sa alkalde, ang pagdeploy sang mga Doctors to the Barrio(DTTO) pakadto sa Cebu ang isa ka tikang nga magaresulta sa mas dako nga problema sa Western Visayas bangud nga padayon man nga nagataas ang kaso sang covid-19 sa rehiyon.
Ginhangkat naman sang alkalde ang tiglikom sang ahensya nga boluntaryo na lamang nga magresign para sa kaayuhan sang pungsod.
