Gin-athag ni Iloilo Governor Arthur Defensor Jr. nga sa iya partido, indi siya magpili sang representative ukon kandidato halin sa kada distrito sa probinsya sang Iloilo.
Nahibaluan nga sa iya pagpa-reelect sa 2022 elections, yara na si Defensor sa idalom sang National Unity Party (NUP) kun sa diin yara man si Iloilo City Mayor Jerry Treñas.
Sa interview sang Bombo Radyo kay Defensor, iya ginpahayag nga sa ila nangin arrangement ukon nahisugtan sang mga kongresista sa probinsya, wala siya sang pagapilion nga mangin representative sa kada distrito para sa 2022 elections sa idalom sang iya grupo.
Suno kay Defensor, mas luyag niya tutukan ang mission kag vision sang Iloilo Province.
Kun ano ang makapamaayo sa probinsya suno sa gobernador, didto man ang mangin direksyon sang iya partido.
”We have entered into an arrangement with our Congressmen nga sa level naton, halin sa partido ko kag sa grupo ko, I will not fill a candidate in the respective districts. Let’s make it simple for the Province of Iloilo. We have a regional party wherein we can focus locally. We have our mission and vision for the province and we decide based on what we think is good for the province.”
