Nag-depensa ang Broadway actress nga si Lea Salonga matapos nakit-an sa video nga dismayado sa iya Filipino fans nga nagkadto sa iya nga dressing room matapos ang iya performance sang “Here Lies Love.”
“The money you pay for a theater/concert ticket does not mean all-access. You pay for that performer’s art, and that’s where it stops. I’m not the type to cuss people out, but I will protect my territory and my boundaries. If I lose fans as a result, so be it,” pahayag sang Broadway Diva.
Sa isa ka separado nga tweet, pahayag sini: “Just a reminder… I have boundaries. Do not cross them. Thank you.”
Sa nag-guwa nga video, nagahingyo ang fans nga magpa-picture sa Broadway Diva kag nagsiling nga mga abyan sila sang co-producer sang show.
Propesyunal ang pagpaathag ni Lea nga wala ginapahanugutan ang fans backstage magluwas kun yara sila sa guest list. Para ini sa security purposes suno sa singer-actress kag mahimo man makahulat sa guwa ang fans kun sa diin mahimo sila makapa-picture.
Apisar ginadayaw dayaw sang fan si Lea, nagpasalamat ini apang nagsiling nga panindugan niya ang pagka-istrikta sa amo nga pagsulundan.
Sang madamo na ang naglantaw sang video kag nagsiling ang iban nga gin-snub ni Lea ang fans, diri na kag nag-lecture ini sang ginatawag “boundary” nga dapat respetuhon sang iban.#
