Ginkumpirma na ni Victorias City, Negros Occidental Mayor Javier Miguel “Javi” Benitez nga bulagay na sila sang actress nga si Sue Ramirez.
Gin-isyu ni Benitez ang statement kadungan mismo sang pag-leak sang videos kag photos kun sa diin makit-an si Sue kag ang actor nga si Dominic Roque nga magkaupod kag nagahalukanay sa isa ka bar sa Siargao.
Madamo ang nakibot apang madamo man ang nagdepensa nga wala man sang problema diri bangud pareho man sila nga single.
Bilang kumpirmasyon, ginsiling sang 30-anyos nga actor-turned-politician nga nagtakop na ang lima ka tuig nga relasyon nila ni Sue apat ka bulan na ang nagligad.
“Four months have passed since our paths quietly and respectfully went their separate ways.
I look back with so much gratitude for the smiles, the laughter, and all the little joys we shared. Sue is a beautiful soul, a gem in the entertainment world, a true talent who showed me that love can be both fierce and gentle,” kabahin sang statement.
Ginalauman man sini ang ikaayo kag ikalipay sang iya ex-girlfriend.
“I wish her nothing but happiness and the love she deserves. Here’s to those good times, held close to my heart and to the grace of whatever lies ahead. I hope she continues to share her God-given talent with many more, touching lives as she has touched mine,” suno sa mayor.
Wala pa nag-komento si Sue tuhoy diri apang “unbothered” ini nga nag-post sang iya pictures sa Siargao nga may caption “I love life.”
Si Mayor Javi amo ang anak ni billionaire Bacolod City Mayor Alfredo Abelardo “Albee” Benitez kag former mayor Dominique “Nikki” Lopez.
Si Sue naman, 28, ang kilala sa TV shows nga The Broken Marriage Vow, The Iron Heart, kag Hanggang Saan. Yara man siya sa mga pelikula nga Ang Babaeng Allergic Sa WiFi, The Debutantes, Rewind, Finding Agnes, Cuddle Weather, kag iban pa.
