ILOILO CITY – Mabulig ang National Inter-Agency Task Force sa COVID-19 response sa syudad sang Iloilo umpisa sa sunod nga semana.
Sa interview sang Bombo Radyo kay Public Safety and Transportation Management Office head Jeck Conlu nga nagaserbe man nga focal person for COVID-19, iya ginpahayag nga sa Setyembre 3, maga-umpisa na sa pagtrabaho sa Iloilo City Operation Center si Inter-Agency Task Force Deputy Chief Implementer for the Visayas Melquiades Feliciano.
Suno kay Conlu, mangin kabahin sang katungdanan sang National Inter-Agency Task Force amu ang pagtipon sang data kag paghimo sang nagakaigo nga tikang agud nga mapasangkad ang COVID-19 response sa syudad sang Iloilo.
Ginpahayag ni Conlu nga may yara sang igadugang nga uniformed medical personnel nga maga-augment sa syudad sang Iloilo lakip na sa Bacolod City.
