Ginkumpirma sang Malacañang nga ginatun-an kag ginakonsiderar na gid man sang gobyerno ang indi pag-require sang face shield sa closed nga public places.
Suno kay Presidential Spokesperson Atty. Harry Roque, tun-an ini sang Inter-Agency Task Force ilabi na subong nga nakit-an nga naganubo na ang COVID-19 cases.
Matandaan nga Septyembre pa sang nagmandu si Presidente Rodrigo Duterte nga indi na required ang pagsuksok sang face shields kun yara sa outdoors.
Apisar sang amo nga anunsyo sang presidente, nagpabilin nga mandatory ang face shield sa closed kag crowded spaces.
