ILOILO CITY- Magadala ang delegasyon sang United States of America sang ila portable air conditioning para sa ila nga mga atleta sa Olympic Village Sa 2024 Paris Olympic Games.
Suno kay Bombo Joey Infante, international correspondent sa France, ginpahayag ni U.S. Olympic and Paralympic Committee chief executive officer Sarah Hirshland, apisar ginarespeto nila ang efforts sang Paris Organizing Committee sa pag-promote sang sustainability, ang pagdala sang airconditioning units amo ang pinakamaayo nga desisyon para sa Team USA athletes.
Ginpahayag man ni Hirshland nga ang mga adlaw antes ang Olympics amo ang period nga kinahanglan ang consistency kag predictability para sa performance sang Team USA gani prayoridad dapat ang comfort sang mga atleta.
Una na ginpahayag ni Yann Krysinski nga amo ang nagaasikaso sang delivery sang venues kag infrastructure para sa Paris 2024 nga may yara sang plano ang committee sa pagpabilin nga komportable ang mga atleta sa Olympic Village.
Pahayag niya, gindesinyo ang mga buildings agud mangin komportable ang mga atleta bisan nga summer kag indi kinahanglan ang air conditioning sa sini nga buildings bangud nga ang insulation diri ang bastante.
