Ginlaslasan sang militant economic think tank nga IBON Foundation ang P1,000 nga financial aid nga ihatag sa mga apektado nga pumuluyo sang enhanced community quarantine sa Metro Manila kag apat ka mga probinsya.
Suno sa IBON Foundation, tuman ka gamay ang P1,000 sa diin indi ini cash nga ihatag sa baylo, “in kind” buot silingon, grocery items ang ihatag sa mga pumuluyo nga nagabalor sang P1,000.
Ginhikayan pa sang grupo ang nasambit nga kantidad bangud kulang ini sa duha ka adlaw nga sweldo sang mamumugon nga nadulaan sang trabaho.
Ginpaguwa na sang Department of Budget and Management ang mandu nga pondohan sang gobyerno ang financial assistance nga magasakop sa 22.9 million nga mga indibidwal.
