IBP President Atty. Abdiel Dan Fajardo, ginpanginwala ang kaangtanan sa plunder case batok sa mga opisyal sang Guimaras

ILOILO CITY – Ginpanginwala ni Integrated Bar of the Philippines (IBP) president Atty. Abdiel Dan Fajardo nga siya ang sa likod sang akusasyon nga gingamit sang mga anay opisyal sang Guimaras ang P264 million nga pondo para sa 2016 elections.

Sa interview sang Bombo Radyo kay Fajardo, iya ginpanginwala nga wala siya makahibalo kun sa diin nagkuha sang impormasyon si anay Guimaras Vice Governor Vicente de Asis nga amo ang nakatukib sa amo nga impormasyon.

Santo sa iya ihibalo,  ginhatagan sang exemption ni anay Commission on Elections (COMELEC) chairman Andres Bautista ang mga opisyal sang Guimaras agud gamiton ang nasambit nga pondo sang tion sang piniliay.

Kadungan sini, gin-athag ni Fajardo nga ang ginahimo lang niya sa Guimaras amo ang pagpaligo kag indi ang pagbukad sang mga isyu.