ILOILO CITY – Ginpanindugan sang grupo sang Filipino-Chinese nga mga negosyante sa Iloilo nga wala sila sang malain nga intensyon sa syudad.
Ini ang kadungan man sang ginpatigayon nga hearing sang Committee of the Whole sang Iloilo City Council kaangot sa mga unregulated activities sang Philippine Offshore Gaming Operators (POGOs) kaangay sang gambling kag human trafficking.
Suno kay Charlie Ho, presidente sang Iloilo City Action Group (ICAG) volunteer fire brigade, sa syudad na siya nabun-ag kag nag-istar sa sulod sang 75 ka tuig.
Ginpahayag ni Ho nga isa siya ka Filipino-Chinese businessman nga may legal nga negosyo.
Sa pagkamatuod suno sa natungdan, nagahatag pa sila sang trabaho sa mga Ilonggo sa malawig na nga tyempo.
