Gin-inagurahan subong nga adlaw, Nobyembre 8, ang isa sa mga ginatukod nga Iloilo City Action and Response (ICARE) Command Center sa Juntado Subdivision sa Calumpang, Molo, Iloilo City.
Sa interview sang Bombo Radyo kay Iloilo City Mayor Jerry Treรฑas, iya ginpahayag nga ang ICARE Calumpang Satellite Center ang pinakauna nga ginbuksan sa syudad.
Suno sa alkalde, pila ka mga ICARE centers ang ginatukod sa pila man ka mga distrito agud nga mapasigurado ang madasig nga pagresponde sang syudad sa mga emerhensya kag urgent nga mga sitwasyon para sa kamaayuhan sang mga Ilonggo.
Nahibaluan nga ang ICARE command centers ang tiniran sang City Disaster Risk Reduction and Management Office (CDRRMO), Public Safety and Transportation Management Office (PSTMO), mga katapo sang pulis kag fire stations.
