ILOILO CITY – Gin-inagurahan na ang Esther H. Jamora ICARE Center sa Barangay Ungka, Jaro, Iloilo City.
Sa interview sang Bombo Radyo kay Iloilo City Mayor Jerry Treñas, iya ginpahayag nga ini na ang ika-apat nga ICARE Center sa syudad kag may yara sang dugang pa nga centers nga ipatukod.
Lakip sa mga ahensya nga i-deploy diri amo ang Philippine National Police, Bureau of Fire Protection, Disaster and Risk Reduction Management Office kag Public Safety and Transportation Management Office.
May yara naman sang duha ka mga pick-up vehicles nga naka-standby sa lugar.
Katuyuan sini suno kay Treñas nga mapadasig pa ang response time sa mga kaiping nga barangay.
Ang pagpatukod sang building lakip na ang mga equipment nga ibutang ang gingastuhan sang syudad apang ang duta ang gin-donar sa city government.
Kung magdako na ang budget sang syudad, mas madamo pa nga mga ICARE Centers ang ipatindog.
