Nagpanugyan ang Iloilo City Anti-Smoking Taskforce (ICAST) sa publiko nga likawan ang pagpanigarilyo kadungan sang Semana Santa.
Sa interview sang Bombo Radyo kay ICAST Head Iñigo Garingalao, iya ginpahayag nga mas pasangkaron sang talatapan ang pagbantay ilabi na sa mga terminal kag pantalan.
Suno kay Inigo, lakip man sa padulongan sang personnel sang talatapan amo ang mga malls nga masami man ginatambayan sang kadam-an.
Ginpahayag man sini nga tinutuyo sang tikang nga malikawan nga malamhitan sang second-hand smoke ang mga pasahero nga nagapauli sa ila tagsa ka probinsya subong nga Semana Santa.
