Ginpabaskog sang International Criminal Court Appeals Chamber ang nauna nga desisyon sang Pre-Trial Chamber 1 nga ipabilin sa prisuhan si former President Rodrigo Duterte kaangot sa kaso nga ginapangatubang sini nga crimes against humanity.
Buot silingon sini, dalayon na nga ginbasura sang Appeals Chambers ang tanan nga argumento kag ang ground of appeals nga ginpasa sang mga abogado ni Duterte.
Unanimous ang boto sang lima ka mga miyembro sang Appeals Chamber agud nga dalayon nga ibasura ang pangabay sang depensa batok sa desisyon sang Pre-Trial Chamber.
Sa ginpagwa nga pahayag, napaslawan ang depensa nga mapakita ukon matul-id kun may sala ang Pre-Trial Chamber sa pag-base sa Panel of Experts nga naghatag sang pinakabag-o nga update nahanungod sa kahimtangan sang ikaayong lawas ni Duterte.
Ginkonsiderar man sang panel of experts ang duha ka report nahanungod sa kondisyon sang ikaayong lawas sang anay presidente nga gin-preparar sang mga medical practitioner nga ginpili sang defense team.
Nahibaluan nga humalin sang Marso 12, 2025, yara na sa detention facility sang ICC sa The Hague ang anay president.
Sang Pebrero, ginpatigayon ang confirmation of charges hearing agud matumod kun ipasaka bala sang judges ang kaso sa para sa trial.
