Ginbasura sang mga hukom sa International Criminal Court (ICC) ang hingyo sang petisyon nga bawion ukon i-withdraw ang gindagdag sini nga arrest warrants batok sa prime minister kag former defense minister sang Israel.
Sa ginbalhag nga desiyon sa ICC website, nakasiling nga gin-reject man sang international tribunal ang hingyo sang Israel nga i-suspende ang imbestigasyon sa ginaalegar nga atrocity crimes sa Palestinian Territories.
Matandaan nga sang Nobyembre 21 sang nagpaguwa ang korte sang arrest warrant batok kanday Israeli Prime Minister Benjamin Netanyahu kag iya former defense chief nga si Yoav Gallant.
Lakip man sa gin-isyuhan sang warrant amo ang Hamas leader nga si Ibrahim al-Masri bangud sa ginaalegar nga war crimes kag crimes against humanity nga naangot sa gyera sa Gaza.
Sang Pebrero, gin-anunsyo sang korte nga gin-withdraw na sini ang arrest warrant kay al-Masri ukon kilala man nga Mohammed Deif bangud sang reports nga napatay na ini.
Sang Hunyo, matandaan nga nag-apin ang US sa Israel paagi sa pagpapanaog sang sanctions sa apat ka judges sa ICC bangud sang arrest warrant sini batok kay Netanyahu.
