Ginkumpirma sang International Criminal Court ang pag-isyu gid man sini sang arrest warrant batok kay former president Rodrigo Duterte bangud sa alleged crimes against humanity sang tion sang iya war on drugs.
Suno kay ICC spokesman Fadi Abdullah, sa tion nga yara na sa kustodiya sang ICC ang isa ka suspek, may yara sang i-schedule nga initial appearance hearing.
Samtang tatlo ka mga babaye nga judges sang International Criminal Court ang nagpirma sang warrant of arrest batok kay Duterte.
Isa diri amo si Judge Iulia Antoanella Motoc, presiding judge sang Pre-Trial Chamber I sa sitwasyon sa Pilipinas.
Ikaduha, si Judge Motoc ang nagserbe bilang UN Special Rapporteur for the Democratic Republic of Congo, nga naga report sang crimes against humanity kag war crimes.
Ikatatlo, si Judge Reine Adelaide Sophie Alapini-Gansou nga ICC judge humalin pa sang 2018.
Antes nag-upod sa ICC, yara ini sa African Commission on Human and Peoples’ Rights (ACHPR), bilang Chair of sang Commission sang 2009 tubtob 2012, kag bilang Special Rapporteur on the situation of human rights defenders in Africa sang 2005 tubtob 2009, kag 2012 tubtob 2017.
Judge Maria del Socorro Flores Liera nga nangin ICC judge sang March 11, 2021.
Antes nagsulod sa ICC, siya ang nagtrabaho sa Foreign Service sang Mexico kag nag-uyat sang posisyon bilang Permanent Representative of Mexico to the Office of the United Nations kag iban nga International Organizations nga nabase sa Geneva sang 2017 tubtob 2021. Nangin Vice-President man ini sang Human Rights Council for the year 2020.
